نبذة عن الكتاب
من كوكب جزرتون ملوخية اعرفكم بنفسي انا آنْي لاكنْي و ده طبعاً مش اسم مركب ده اسمي كله بتاعي لوحدي بحبه اوي جدا فوق الوصف و عشان تبقي صاحبي لازم تقوله صح و بعد م تتعلم تقوله صح أفكر أقولك و أسمحلك تدلعنى و تنادنى بـــ بونى . بس دلوقتى نتعلم نطق أسمى و هبسطهالكم عاوزك و انت بتنطق اسمي تلزق لسانك في سقف بوقك و انت بتقول لاكْني عشان ده بقا المهم و جدا تنطق اسمي صح انبسط يروح علي طول جرس رقبتي يرن و يتحسبلي في مكتب تأمين و حماية مديتنا نقط جزرية طول م الفرحة و السعادة حاسينها و حوالينا.هنبقى كلنا في امان و ده طبعا قبل اي حاجة واجب وطني اننا نشارك في تأمين مديتنا ده اجمل حاجة ف الكون. طبعاً زمانكم بتقولوا دلوقتي ايه اللي بيقولو آني ده… ايه اللي دخل الفرحة ف التأمين و ايه النقط الجزرية دي؟؟. متستغربوش كل الحكاية ان فعلا في سر و حكاية ابتدت من ستين سنه جزرية…..