نبذة عن الكتاب

“عاوزه أقول إننا فترات في حياة بعض..

مش كلام ولكن من تجارب سمعتها أو عيشتها :

مفيش حد دايم طول العمر بنفس درجة القرب أو الغلاوة غير قليل..

يكاد يكونوا بيتعدوا عـالإيد وإيد واحدة كمان..

هتقابل أشخاص في حياتك هيكونوا جزء أساسي في يومك
بتشوفهم يوميًا.. بتقعد معاهم أكتر مابتقعد مع أهلك.. بتاكل وتشرب وتضحك وتعيط وتذاكر وتشتغل معاهم..

هتسميهم أقرب الناس.. هتخاف عليهم وهيخافوا عليك.. هتحبهم وهيحبوك.. هيحكوا لكل معارفهم عنك وأسمك هيكون براند كدة في حياتهم والعكس عندك..

حلو كل ده.. مشاعر جميلة صح.. بس مؤقتة.. لا مش دايمة طول العمر زي ما أنت حاسبها.. هيجي يوم والحال هيتغير والأماكن هتتغير والأشخاص هتتغير..
والبعيد هيكون قريب والقريب هيكون بعيد..
الظروف بتتغير.. وأنت بتتغير.. والناس بتتغير..
والحياة ماشية مش بتقف.. ومش هتقف.”